خطاك برقبة الزمان

[خالد النويهض]

[center][/center

خطاك ... برقّبة الزّمان وبلاويه
وخطاي ... برقّبه الشّره والهقاوي
الطّيب ماهو لايق لغير ... راعيه
تبيّن لك الشدّات فعل النداوي
من قال راح الوقت ماعاد يمديه
يمدّيه لاصار الطريق إمتساوي
عطاك تقطع به لسان المشاريه
ويصبح عدوك لك طبيبٍ مداوي
لاتشره الا خابر الزرع وش فيه
ولاتمد دلوك كان ماله عراوي
مايحس في حرالجمر غير واطيه
ومايحس بالغربه ياكود الجلاوي
وسبك خويٕ كل عمرك تخاويه
بدلّت طبع اهلك بطبع الشواوي
والشعر بلوى واعذب الشعر خافيه
له مجلس وبين الرجاجيل راوي
صحيح يقدر مرخّص المال يشريه
يبي يبيّن عقب ماهو .. خلاوي
لكن اذا ابعد من يبيعه ويبنيه
يبيّن لك البير الملي صار خاوي