الموضوع: قلوبنا مقبره
عرض مشاركة واحدة
قديم 07-12-2019, 12:52 AM   #1

خالد النويهض
شاعر
 
تاريخ التسجيل: Aug 2011
الدولة: عرعر
المشاركات: 169
خالد النويهض is on a distinguished road
افتراضي قلوبنا مقبره



الكلمه اللي يوقفها الحياء بالصدور

قلها قبل لاتموت .. وهي وسط بيتها

اما تدلك على لوحة طريق العبور

والا فلا تلوم نفسك.. ليتني ليتها

اخير .. من سالفة فيها تلف وتدور

مااحد فهم وش تبي توصل وخليتها

ضلوعنا مقبره فيها مئات القبور

لولا الحياء كان ماجبنا توابيتها!

تقول طيّب وهذا الشي فيك مخبور

افتح لي ابواب قلبك ليه سديتها

نجبر خواطر وحنّا لوّعتنا الكسور

ياصعب بعض المناوي لاتمنيتها!!

اعرف احسّب عدد لكن علوم الجذور

عجزت لاحفظ قواعدها وكبيتها.

اعرف اغيّر مفاهيم الشعر والسطور

ولاذكر وجيهٍ تبي فرقاي وارضيتها
__________________
اللي مربّيه الزّمن لاتوصّيه
دوّر على اللي ماتربّى ووصّه
خالد النويهض غير متواجد حالياً   رد مع اقتباس