منتديات المضيان

منتديات المضيان (http://al-modhyan.com/vb/index.php)
-   أَنــــَاَقـَـَة~ أَدَمَ~~ (http://al-modhyan.com/vb/forumdisplay.php?f=19)
-   -   سوق المعيقلية (http://al-modhyan.com/vb/showthread.php?t=5201)

درع المضيان 01-30-2009 06:33 PM

سوق المعيقلية
 
بسم الله الرحمن الرحيم

سوق المعيقلية هو سوق قديم وشعبي ولكن من اروووع الاسواق باالرياض


وتلقى فية كل جديد بموديلات الاشمغة والملابس الرجالية وايضآ البشوت

وفية بعد محلات الزل الايراني ومحلات الساعات والاحذية

ومحلات نسائية داخل عمائر المعيقلية

كما فية اكبر محلات العطور والبخور وعددها بالهبل

مما يخلق فرصة التنافس بتقديم اجود الانواع مع رخص السعر


والاحلا والاجمل فية انة ارخص سوق بالسعودية لأن تجار السوق

يعتبرون مستوردين لبضاعتهم واكثر تجار المدن الاخرى يشترون بضاعتهم من السوق هاذا


فاللي عنده محل انصحة انة يشتري بضاعتة منه

والبيع عندهم بالمفرق والجملة حتى المفرق يعتبر رخيص لو قارنتة باسواق اخرى


وافضل شارع فية شارع اسم شارع الثميري اللي يلقبونة شارع الشيوخ


بصراحة روعة لايفوتكم فية محلات تصنع العقل يدويآ وقدامك

بس انتبة اول ماتجي محلات العقل وتبي تشتري راح البائع يعطيك سعر كبير

يقولك السعر ستين او ثمانين ريال ويقولك هاذا يدوي وهاذا كذا

ماعليك منة كاسرة بالسعر وخذة بثلاثين ريال مهما كان نوع العقال اللي اخذتة


هاذا السعر ياخذة اللي له خبرة بالسوق فأنت نشف ريقة لين تاخذة بالسعر هاذا

عمومآ السوق اكثر من رائع بس انت وشطاراتك بالمكاسرة بالسعر




فأنا بصراحة ماأفوت السوق هاذا كل مااجي للرياض

وصف السوق سهل وهو بجنب امارة الرياض بالتمام كأنك رايح للأمارة تلقى السوق حولة

واذا انت جاي من طريق الملك فهد شمال

تخلي الممكلة والفيصلية يسارك وتمشي قدام على نفس طرق الملك فهد

لين تجي يسارك وزارة الداخلية فتكمل قدام حتى تجيك لوحة لمخرج

قصر الحكم تدخل المخرج وتلف يسار وتلقى السوق قدامك وبجنبها امارة الرياض

وهاذي صورة لخريطة الموقع والسوق محدد بالاحمر



الموضوع هاذا من كتابتي ومعرفتي للسوق



اتمنى انة يعجبكم

ذيب المضيان 01-30-2009 10:26 PM

فعلا" سوق المعيقليه ممتاز واسعاره مناسبه

بس انا يوم جيته لقيت كم رجال مصلوب معلق

يمكن حظي اللي جابني للموقف هذا

شكرا تقبل مروري

شمس المضيان 01-30-2009 10:34 PM


اعرف كثير يجون من خارج الرياض علشان هذا السوق

وفرق بين الاسعار

مشكور درع على الموضوع

يــــــزيـــــد 01-30-2009 11:39 PM




من اروع الاسواق الرجالية ومثل ماتفضلت في اسواق للنساء


موضوع اكثر من رائع وراح يفيد اللي خارج منطقة الرياض



تحياتي لك

العالmي 01-31-2009 01:08 AM

مشكور درع على الموضوع

أخت رجال 01-31-2009 07:00 PM

مشكور أخي الفاضل على الموضوع
صراحه أول مره اسمع عن هذا السوق
دمت بحفظ الله

الشمالي المهاجر 02-01-2009 12:00 AM

درع المضيان

يعطيك العافية على الطرح الرائع

ماشاء الله عليك تميز في طرحك

تميز في وصفك وحتى في تنشيفت الحلق (حلوووووة )

الظاهر إنك تاجر منت بسيط يالدرع

الله يحفظك يالغالي

أما أنا أسمع عنه لكن ما رحت له لكن ان شاء الله سوف ازوره

تقبل مروري

عبدالله محمد المضياني 02-01-2009 02:42 AM

موضوع رائع أخوي الدرع

أنا والله سمعت عن هذا السوق الكثير


أغلب الأسواق بالرياض جيتها إلا هذا السوق

ماشاء الله أسلوب طرح رائع لمحتويات السوق الظاهر إن لك محل هناك علمنا

نبي تسوي تخفضيات للأعضاء واول زبون يجيك من المنتدى راح يكون أنا هاه وش قلت

والله عندنا بعرعر أكلونا راعين بنقلادش بأسعار العطورات وشلة أبو يمن بالملابس الرجالية أسعار بالخيال

أقرب جيه للرياض ماراح نفوت المعيقلية ..

@ السيف @ 04-19-2009 02:43 AM


لا ان شاء الله نزوره ونشوووف وش عندهم ..



مشكوووور على ها السوق ...





@ السيف @


الساعة الآن 02:42 AM.

Powered by vBulletin Version 3.8.7
Copyright ©2000 - 2017, Jelsoft Enterprises Ltd
Translation by Support-ar

Security byi.s.s.w